أمان

إزاي تأمّن حساب روبلوكس

خطوات بسيطة تحمي حسابك وروبوكسك من السرقة.

فعّل التحقق بخطوتين (2-Step Verification)

روبلوكس ← Settings ← Security ← 2-Step Verification ← فعّلها بالإيميل أو بتطبيق Authenticator. كده محدش يقدر يدخل حسابك حتى لو عرف الباسورد.

اربط إيميل حقيقي وأكّده

Settings ← Account Info ← Email. الإيميل هو اللي بيرجّعلك الحساب لو حصل حاجة.

باسورد قوي ومختلف

12 حرف على الأقل، ومتستخدمهوش في أي موقع تاني.

Account PIN

Settings ← Parental Controls ← Account PIN: بيمنع أي حد يغيّر إعدادات حسابك من غير الرقم ده.

متدّيش الباسورد لحد

محدش محتاج باسوردك عشان يبعتلك روبوكس. إحنا في زد ستور بنسلّم على اليوزر بس، ومش بنطلب الباسورد أبدًا (في الألعاب. الاستثناء الاشتراكات: بنحتاج ندخل على الحساب، وبنطلب بيانات الدخول على الواتساب من رقمنا وقت التسليم بس).

خلّي بالك من النصب

مواقع «روبوكس مجاني»، ولينكات بتطلب تسجيل دخول، وأي حد بيقولك ابعت الكوكيز أو الكود اللي جالك على الإيميل: كلها نصب.

خلي بالك من الأجهزة

لو دخلت من جهاز مش بتاعك، اعمل Log out من كل الأجهزة: Settings ← Security ← Log out of All Other Sessions.