إجابات أكتر الأسئلة اللي بتوصلنا. مش لاقي سؤالك؟ كلّمنا على الواتساب أو الديسكورد.
الطلب والتسليم
بستلم طلبي إزاي؟
بعد ما تدفع وترفع صورة التحويل، بنراجع الدفع ونسلّم على حسابك، ونبعتلك على الواتساب أول ما يخلص. طريقة الاستلام بالتفصيل مكتوبة في صفحة كل منتج تحت زرار الشراء (جيم باس، جروب، جيفت جوه الماب، أو تسليم جوه السيرفر).
الطلب بياخد قد إيه؟
من 5 دقايق لـ 24 ساعة كحد أقصى بعد تأكيد الدفع، وأغلب الطلبات بتخلص أسرع من كده. لو حصل تأخير استثنائي هنبلّغك.
إيه الفرق بين روبوكس جيم باس وجروب وبلص؟
الجيم باس: بتعمل جيم باس بالسعر اللي بنقولك عليه وإحنا بنشتريه، والروبوكس بيظهر عندك Pending لحد ما روبلوكس يفكّه. الجروب: بتنضم للجروب بتاعنا وبنبعتلك الروبوكس منه، وروبلوكس بيشترط تكون في الجروب بقالك 14 يوم. البلص: لازم حسابك يكون عامل تحقق الوش (Face Verification) وتصنيف عمره كبير. وفي كل منتجات روبلوكس بنحتاج يوزر روبلوكس بس.
يعني إيه جيم باس (Game Pass)؟
الجيم باس منتج صغير بتعمله إنت بنفسك جوه الماب بتاعك على روبلوكس، وبتحطله سعر بالروبوكس. لما إحنا نشتريه منك، روبلوكس بتحوّل تمنه لحسابك كروبوكس. يعني الجيم باس هو الطريقة اللي بنبعتلك بيها الروبوكس، مش حاجة هتستخدمها في اللعب. وكل حساب روبلوكس عنده ماب جاهز باسمه (YourName’s Place) تعمل فيه الجيم باس.
أعمل الجيم باس بكام؟
مش محتاج تحسب، الموقع بيحسبهولك في صفحة المنتج وفي طلبك. روبلوكس بتاخد 30% من سعر أي جيم باس: جيم باس صافي = اعمله بالعدد × 1.43 (1000 ← 1430، و500 ← 715، و200 ← 286) وهيوصلك العدد اللي طلبته كامل. جيم باس مش صافي = اعمله بنفس العدد، وهيوصلك حوالي 70% منه بعد ضريبة روبلوكس.
ليه الروبوكس بيظهر عندي Pending؟
ده نظام روبلوكس نفسها: روبوكس الجيم باس بيفضل معلّق (Pending) حوالي 5 لـ 7 أيام، وبعدين بينزل في رصيدك لوحده. تقدر تشوفه من صفحة My Transactions على روبلوكس. لو عايز الروبوكس يوصل على طول من غير Pending، اختار روبوكس الجروب أو الجيفت كارد.
محتاج إيه قبل ما أطلب روبوكس بالجيم باس؟
1) تعمل الجيم باس بالسعر اللي الموقع قالهولك وتخليه معروض للبيع (On Sale). 2) الماب بتاعك يكون Public، وفي فيديو شرح للخطوة دي. 3) تبعتلنا لينك الجيم باس في صفحة طلبك أو على الواتساب. ومش بنطلب الباسورد بتاعك أبدًا.
أتابع طلبي إزاي؟
من صفحة حسابي هتلاقي كل طلباتك وحالة كل طلب، أو كلّمنا على الواتساب برقم الطلب.
المنتج اللي عايزه مش موجود؟
اطلبه من صفحة اطلب منتج وإحنا نحاول نوفّره ونبلّغك.
الدفع
بدفع إزاي؟
بتحوّل من فودافون كاش أو أورنج كاش أو اتصالات كاش أو WE Pay أو إنستا باي، وترفع صورة التحويل في صفحة الدفع.
ينفع أدفع من برّه مصر؟
أيوه، فيه تحويل دولي بالدولار. اختاره في صفحة الدفع وهتلاقي الخطوات.
حوّلت والطلب لسه مكتملش؟
الطلب بيتأكد بعد ما نراجع التحويل. لو اتأخر، ابعتلنا رقم الطلب وصورة التحويل على الواتساب.
الأمان والحساب
هل بتطلبوا الباسورد بتاع حسابي؟
لأ، أبدًا. بنحتاج اليوزر أو الـ ID بس. لو حد كلّمك باسمنا وطلب الباسورد أو كود تحقق متدّيهوش.
حسابي ممكن يتأثر؟
إحنا بنسلّم بالطرق الرسمية جوه اللعبة (جيم باس، جروب، جيفت). استخدم المنتجات حسب قواعد اللعبة.
الإلغاء والاسترجاع
ينفع ألغي الطلب؟
قبل ما الطلب يتنفذ تقدر تطلب الإلغاء. بعد التسليم غالبًا مينفعش لأن المنتجات رقمية.
ينفع أرجّع الطلب؟
مفيش استرجاع بعد التسليم لمجرد تغيير الرأي. لكن لو الطلب متسلّمش، أو اتسلّم غلط، أو اتدفع مرتين، بنعوّضك أو نرجّعلك فلوسك حسب الحالة. التفاصيل في الشروط والأحكام.